التعليقات على: إكتشاف جديد: الشعب السعودي من كوكب زحل!!

بواسطة: شبيه الريح

شبيه الريح — Tue, 17 Jun 2008 21:02:52 +0000

السعيد تحية طيبة
اولا : المعاش يا اخي في الله المعاش مصروف من قبل ما ينزل بالحساب بس انت احسبها صح وانت تشوف الا اللي معاشه عشرة نقول معليش يمكن؟؟
ثانيا: دام حكمك حيال الالتزام بالدوام صار شامل على الجميع هذا بحد معناه انك جاهل في تصدير الاحكام والردود واتمنى انك تعيش بعيشتي انا وبالتزامي في دوامي،؟
ثالثا : وردي لك على ثالثا اتحفظ عليه لان سيكون طويل ومضني ولا يستحق ان اطرحه لعلمي انه وان استطردت في الافهام فلن تتضح لك الصورة لان نظرتك يا اخي محدوده ؟ وعلى فكره ما كل واحد عنده استراحه الله لا يبلاك؟
رابعا : عسى الله ان يزيدك رزقا فوق رزقك العشرين الف ريال شهريا ومن المستحسن بل من الخير ان تدلنا على الطريق وتكسب خيرا فيمن اضله .
اخي العزيز :
نعم الديرة فيها خير ولكن ليس لاهل الخير؟؟؟؟؟؟؟

بواسطة: الســـــــــعيد

الســـــــــعيد — Fri, 30 May 2008 20:22:42 +0000

اولا:هذا اسمه معاااااااش يعيشك باذن الله الى اخر الشهر بس
ثانيا:مين ملتزم باالدوااام من شان يحلل الراتب اللي ياخذه طلعات من الدوام وتاخير وكل يوم جايب عذر
ثالثا:ماحد قالك لاتشتغل زي الاجانب اللي شغالين ليل نهار ويطلع الواحد فيهم اكثر من 30الف ريال بالشهر وانت نااااااايم وبس واذا صحيت رحت للاستراحه وعلى هالموال ……!!
رابعا:انا عن نفسي لاموظف ولاشيء والحمدلله اطلع اكثر من 20الف ريال بالشهر اعمال حرة واشتغل زي الشغل اللي يسويه اي عامل والحمدلله مبسووووووووط عالاخر..:mrgreen:

بواسطة: الغريب

الغريب — Mon, 11 Feb 2008 04:24:21 +0000

مره هندي يشغل سعودين عنده بالبقاله التي يملكها بسم سعودي الهندي يستطيع فتح بقاله والسعودي لا يستطيع ابن البلد يعمل عند الغريب عن البلد الذي يستنزف اموالنا ، والذي يسهل له السعودي الجشع والفقير الذي ياخذ من شهرياً 1500ريال والاجنبي يكسب شهرياً ر30000الف ريال ,

بواسطة: الغريب

الغريب — Mon, 11 Feb 2008 04:20:16 +0000

الله يرزقن رضاه ويقنعنا بالمقسوم ، المال نعمه ونغمه ويراد منا ان نتعلم الزهد ولكن اذا كان من المشايخ واصحاب العمائم شبعانين والمال بايديهم فلن يتكلموا وهم نفس الامة لله المسعان

بواسطة: أبو سعد

أبو سعد — Wed, 06 Feb 2008 10:18:09 +0000

أبو لارا…

أجل ملطف جو فريد من نوعه

حلمي معي…

المشكلة هم جالسين يدورون على الصفر إياه…

وراح يسوون حملة "أين أنت أيها الصفر؟"

إبراهيم…

أحلى يا زحلاوي

أما الأعصاب فحدث ولا حرج…

ما صار أحد عنده أعصاب من كثر البلاوي اللي نازله علينا…

وين ما نروح نلقى بلاوي… فساد وإختلاسات وواسطات فاسدة وسرقات ونهب وجرائم وأمن منعدم وحتى تقدير للناس ما فيه…

وفي الأخير يبغون كل مواطن يصير رجل أمن!!…

طيب نصير رجال أمن بس مين يدفع لنا رواتبنا كعمل إضافي خارج الدوام؟؟

اللغة اليابانية…

سديك سوف… أنا في كلام أول هازا نفرات ما فيه مك كتير… بس ما في نفر يسمع مال أنا… كل نفرات قرقر كتير بس موك مافيه

عبدالله العتيبي…

يا أخي كلامك كله إحباط

بس حاجة واحدة ما فشلوا فيها وهي محاربة الإرهاب اللي كاد يطولهم

تحياتي؛؛؛

بواسطة: عبدالله العتيبي

عبدالله العتيبي — Tue, 05 Feb 2008 17:01:41 +0000

فشل آخر يضاف لمرت عديدة فشلت فيه الحكومة في حل المشكلة.

وعدت بحل مشكلة البطالة و فشلت.

فشلت في إحتواء إرتفاع معدلات الجريمة.

في مشكلة إنخفاض سعر الدولار و ربط الريال به.

في الانتخابات البلدية.

في مجلس الشورى.

في التعامل مع الأمطار.

في موجة البرد.

في حل مشكلة الفقر.

بواسطة: اللغة اليابانية

اللغة اليابانية — Tue, 05 Feb 2008 16:50:51 +0000

وش نقول بس يابو سعد …

يااااااليتهم سكتوا أحسن

بواسطة: ابراهيم

ابراهيم — Tue, 05 Feb 2008 04:11:42 +0000

بكره بتلقى منطقه مشبكة ومكتوب أملاك وزارة الدفاع الزحليه …

وبعدها تصير جنسيتنا زحلاوي …

بس تصدق يا أبو سعد … ترى الوضع متأزم نفسياً بشكل فضيع … العالم ودها تتهاوش مع ظلها … يالله سترك

بواسطة: حلمي معي

حلمي معي — Tue, 05 Feb 2008 00:10:03 +0000

وين زحل على الاقل قريب من ارض شوي
قول كوكب بلوتو
ما يدرون ان 5% لو تتقدم عيديه للاطفال مقبلوها وقالوا بسسسسسسس
تدري كم 5% يعني 50 ريال في 1000 ريال
با الله زياده خمسين وش بتسوي يعني ممكن تسدد اجار بيت ولا تسد مصاريف عايله تروح بغمضة عين الحين هل الايام 50 ريال مثل خمس ريال
لو زادو 50% بالميه يعني زياده 500 ريال كل 1000 ريال
هذه ممكن الواحد يمشي حالها فيها

يمكن ربي يهدي مجلس الوزراء ويقررون يحطون صفر جنب الخمسه

بواسطة: ابو لارا

ابو لارا — Mon, 04 Feb 2008 14:22:15 +0000

اعتقد انهم ما توقعوا ردة الفعل بتكون بهالقوة

عشان كذا ارسلوا وزير المالية يلطف الجو

بواسطة: تحميل العاب

تحميل العاب — Sun, 03 Feb 2008 18:00:20 +0000

والله بعد تجربة، أنا أرفض أن احترق لضيء للآخرين، أنا أقبل بأن أضيء نفسي والاخرين من حولي

بواسطة: أبو سعد

أبو سعد — Sun, 03 Feb 2008 08:17:08 +0000

أبو مروان…

أجل طلعنا جيران وإحنا ما ندري

ماشي صح…

شايف كيف؟ دايما نكتشف أشياء غريبة فينا

بس أبغى أعرف من أي كوكب وزير التجارة

نوف…

على فكرة أنا أشتغل في قطاع “خاس”

وموظفي القطاع الخاس ما لهم إلا الله وشوفي الحكومة إيش سوت في موظفيها فكيف بالله راح تسوي معانا؟

Exganza…

إنت الظاهر من كوكب ثاني فمالك زيادة يا بعدي

ثامر…

اللهم آمين… وهذا الشيء الوحيد اللي ما فكروا فيه والله أعلم

غير الناس…

تحمد ربك وإرفع راسك إنت سعودي غيرك يزودي وإنت تنقص!!!

أسما…

وعليكم السلام يا أهل المريخ

كيف الأوضاع عندكم؟ إذا كانت زينة فكلنا نبغى نهاجر عندكم

طير يرقص من شدة الألم…

هذا وإنت طير خلوك ترقص فكيف ما يضحكون علينا خلق الله؟

خالد العيسى…

هلا والله وحياك وبياك

الغموض خلاص إتضح والسالفة وعرفناها إننا طلعنا من كوكب زحل!!!

منصوري…

لو كان الموضوع يمس أمن الحكومة كان شفت القرارات تتخذ في لحظة وتطبق في اللحظة اللي قبلها!!

لكن القرارات اللي ما ودهم تطبق فهم يحطوا لها العراقيل تلو الأخرى…

تحياتي؛؛؛

بواسطة: MaNsOuRi

MaNsOuRi — Sun, 03 Feb 2008 03:39:26 +0000

المشكلة لا تكمن في نقصان القرارت او الحاجة الى المزيد منها ، فلدينا الالاف من القرارات الرائعة ..
لكن المشكلة تكمن في تطبيق هذه القرارات وتفعيلها ، واخذها محمل الجد ، فالقرارات لدينا تطبق بمدأ التوافيق والتباديل ، فلجنة تبثق عنها لجنة لتؤلف لجان تعمل تحتها عدد اخر من اللجان … وهاتك يالجان ماتخلص .. الا ان يذوب القرار ويضيع بين اللجان المتكاثرة كالفطر..

بواسطة: خالد العيسى

خالد العيسى — Sat, 02 Feb 2008 22:33:34 +0000

أجمل تحية بوسعد، اشتقنا لك والله..

يعطيك العافية على هالموضوع، هناك الكثير من الغموض فيما يجري، الله يصلح الحال.

بواسطة: طير يرقص من شده الالم

طير يرقص من شده الالم — Sat, 02 Feb 2008 16:13:25 +0000

حتى الهنود قاموا يضحكون علينا و يقولون

ايس فايده هزا ٥ في الميه؟ كلو خربوطه

بواسطة: asma

asma — Sat, 02 Feb 2008 15:50:24 +0000

السلام عليكم يا اهل زحل
>>> أسما من المريخ

بواسطة: غـــيـــر الـــنــــاســـ

غـــيـــر الـــنــــاســـ — Sat, 02 Feb 2008 12:48:22 +0000

بصراحة ،، انا صعقت عندما تم التصريح بهذه الزياده الفائقه في السخاء

لكن،، عندما اقرو بتخفيض رسوم بعض المعاملات الحكوميه<< تحتها خطين

لكي يخصم منه جهه ،، ويزيد من جهه أخر

واتوقع ان هذه الزياده تمهيد للزيادة القادمه للحد من طمع التجار << توقعات فائفة الاستحاله

حسبنا الله ونعم الوكيل

تحياتي

بواسطة: ثامر الطويرقي

ثامر الطويرقي — Sat, 02 Feb 2008 11:27:09 +0000

الله يرزقنا الجنة بس ..

كل شيء بلاش .. (منة الله ولا منة خلقه)

بواسطة: Exganza

Exganza — Sat, 02 Feb 2008 09:41:50 +0000

لو اننا من زحل ماجينا على الأرض .. اكرم لنا <<< زعلان بقوه

بواسطة: nOuf.a.s

nOuf.a.s — Fri, 01 Feb 2008 22:29:10 +0000

الحين الزيادة ما شملت موظفي القطاع الخاص ..
( يا موظفين الحكومة لا تخافون ما احنا حاسدينكم .. .. تراها 5% ! )
بس اللي ابي اقوله .. ان مساكين القطاع الخاص واللي رواتبهم على 1500 و2000 كثير ..
لا زياده ( غبيه ) طايلتهم .. والأسعار نار !!
حرام والله .. الحين يقولون بدل غلاء معيشة , ويزيدون معها الأسعار !!!
احنا وين عايشين ؟؟؟؟؟
والله قبل اسبوع واحد من رجال الأمن طايح بيته ( من طين ) , وراتبه أقل من الألفين .. هذولي وش يسوون ؟؟؟؟ كيف يعيشون !!!
حسبي الله ونعم الوكيل .. .. ..