تقبل الله منا ومنكم صالح الأعمال
12 يوليو 2007الحمد لله خلصنا العمرة ونرجو من الله أن يتقبل منا…
الحقيقة رحنا أمس متأخرين علشان الغداء كان المغرب 
وبعدين قررت إننا نأخذ عمرة في الليل بعد الساعة 1…
بس اللي صار فوق طاقتنا…
وصلنا الساعة 3 فجراً تقريباً للحرم…
وإلا نشوف الزحمة تقول في رمضان
لا إله إلا الله… يا كثرهم 
المهم مترت مكة رايح جاي أدور على موقف بس ما حصلت…
قررنا نبات ونصحى الظهر ونأخذ عمرة…
جلسنا نمر على الفنادق والشقق المفروشة…
إما نحصل فندق كامل محجوز للإيرانين…
وإلا الحجز كامل…
وإلا ما في مواقف…
وأخيراً حصلنا واحد في العزيزية 
وعلى طول هاتك يا نوم
طبعاً صحينا وأفطرنا حدود الساعة 2 ظهراً
وعلى طول أول سيارة إلى الحرم…
دخلنا مع باب الملك عبدالعزيز وأول ما وصلنا الصحن إلا وطلع في وجهنا مطوف
قال تبون مطوف؟؟
قلت إيه قدام
وطفنا وخلصنا وصلينا ركعتين…
وبعدها رحنا للسعي على طول…
اللي قاهرني إن الحريم كثار وأنا أودي عيوني فوق وتحت علشان ما أكسب ذنوب فوق اللي عندي 
طبعاً زوجتي الله يخليها لي ما تبي تقول غض نظرك بس أنا ما كنت بالفعل أقدر أوخر عيوني عن وحده إلا والثانية تقول الزود عندي
طبعاً حتى لو نزلت عيوني عن وجيههم ألقى عيني تروح على المخصر على طول 
والله بعظهن فيها جمال غير طبيعي ومع ذلك لابسه مخصر والمكياج يقول أنا هنا ومع ذلك كأنهن جايين يفتنون في العبد لله المسكين
ما أقدر أقول شيء أكثر من كذا…
لأن لو قلت أكثر من كذا يمكن ما أحصل حسنات لي من ها العمرة
أجمل الإيرانيات وأجمل الشاميات وأجمل السعوديات الحجازيات كانوا لي بالمرصاد
الظاهر ماخذينها مقاولة مع إبليس والعياذ بالله منه
بعدين قلت أبا أروح يم الرياض…
بس أرجولي صارت منفخة لدرجة إني ما قدرت ألبس النعال وأنا حاطهم بكيس نايلون
وقلت لحبيبتي خلينا نبات في الطائف ليلة كمان وبكرة نمشي إلى الرياض…
ورجعنا لشقتنا الأولية في الطائف…
وأول ما شافني موظف الاستقبال قالي إنت لسا هنا؟؟
قلت له كل ما نحاول نمشي من الطائف نشتاق لكم ونرجع من حبنا لكم
ونزلت حبيبتي وقلت خلني أروح مقهى إنترنت علشان أرد على الحبايب…
وتفاجأت بخبر عودة عميد التدوين السعودي أبو خطاب من الإيميل 
طبعاً أنا ما قد حسيت بفرح زي هذا الفرح إلا بعودة ماشي صح للتدوين وزواجي طبعاً
قاعد اليوم أقول لحبيبتي ما توفين إننا صايرين حفلة للمقالب؟؟
لأن مقالب كثيرة جداً واجهتنا من يوم تزوجنا
بس مقالب حلوة والله 
يعني تعطينا فرص كثيرة للضحك والتنكيت على بعض وتخليني أنكت على نفسي بعد
غداً بمشيئة الله راح نمشي إلى الرياض…
راح نبات ليلتين لمقابلة الأصدقاء وزملاء العمل السابقين إن شاء الله…
ودي أقابل مدوني الرياض كلهم…
بس ما في أحد إتصل علي إلا رائد السعيد (كبير العذال )…
الرياض فيها تعرفت على أغلى الأصدقاء…
وفيها صديق عمري محمد الشهري - أبو فارس (+AM7)…
اللي ينحط على الجرح يبرى…
أي واحد بايع نفسه يبي يقابلني يتصل على جوالي 0500249800
جايك يا الرياض…
أترككم في رعاية الله وحفظه…
